Ugadi : తెలుగు ఏడాది ప్రారంభమయ్యే పండగ ఇలా

ఆంగ్ల సంవత్సరంలో జనవరి నుంచి డిసెంబరు వరకూ నెలలు మొదలవుతుంది. అయితే ఉగాది నుంచి తెలుగు ఏడాది ప్రారంభమవుతుంది. ఉగాది నాడు నుంచి చైత్రం నుంచి ఫాల్గుణం వరకూ జరుపుకుంటారు. మొత్తం పన్నెండు నెలలు తెలుగు మాసాలుగా వ్యవహరిస్తారు. కొన్ని సార్లు అధిక మాసాలు కూడా వచ్చే అవకాశాలున్నాయని పండితులు చెబుతారు. ఉగాదిని తొలి పండగగా అందరూ వేడుకగా జరుపుకుంటూ తమ ఇంటి సుఖ సంతోషాలు వెల్లివిరియాలని కోరుకుంటారు. చైత్ర మాసంలో శుద్ధ పాడ్యమి రోజున ఉగాది పండగను జరుపుకోవడం సంప్రదాయంగా వస్తుంది. అందుకే చలికాలం వెళ్లిపోయి ఎండలు సమీపించే తరుణంలో ఈ పండగ ప్రజలను అలరిస్తుంది.

ఉగాది అంటే సంస్కృతంలో ఇలా వ్యవహరిస్తారు. ఉగ అంటే నక్షత్ర గమనం అని అంటారు. దీనికి జన్మ.. ఆయుష్షు అని అర్థాలు కూడా ఉన్నాయి. ఆది అంటే మొదలు. నక్షత్రగమనం, జన్మ, ఆయష్షు మొదలుగా పూర్వీకులు చెబుతారు. శాలివాహనుడు పట్టాభిషిక్తుడై భాసిల్లింది కూడా ఈ ఉగాది నాడే అని అంటారు. దీంతో పాటు ఉగాది నాటికి చెట్లకు కొత్త చిగుళ్లు వస్తాయి. వేపపూతతో ఉగాది పచ్చడిని తయారు చేసుకుంటారు. ఇందులో మామిడి ముక్కలు కలపి చేదు, తీపి, ఒగరు అంటూ.. మన జీవితంలో అన్ని కలసి ఉండేలా తయారు చేసుకుంటారు. ఈరోజు మంచి పనులు చేస్తే ఏడాదంతా మంచి జరుగుతుందని భావిస్తారు.అందుకే మంచిపనులు చేయాలని పెద్దలు సూచిస్తారు.