Sat Apr 27 2024 15:51:30 GMT+0000 (Coordinated Universal Time)
చాగంటి ని ఎపి సలహాదారుగా నియమించిన చంద్రబాబు!
ప్రవచనకర్త చాగంటి కోటేశ్వరరావుకు అరుదైన గౌరవం లభించింది. ఆంధ్రప్రదేశ్ ప్రభుత్వ సలహాదారుగా ఆధ్యాత్మికవేత్త చాగంటి కోటేశ్వరరావును నియమిస్తున్నట్లు ముఖ్యమంత్రి చంద్రబాబు నాయుడు ప్రకటించారు. విజయవాడలోని గురునానక్ కాలనీ ఎన్ఏసీ ఫంక్షన్ హాలు (నాక్)లో శుక్రవారం ఉగాది ఉత్సవాలను ఘనంగా నిర్వహించారు. ఈ వేడుకల్లో చాగంటిని సీఎం సత్కరించారు. ఈ సందర్భంగా చంద్రబాబు మాట్లాడుతూ… చాగంటి ప్రవచనాలు ప్రజలకు స్ఫూర్తిదాయకంగా ఉంటున్నాయని, ఎంతో మందిని ముందుకు నడిపిస్తున్నాయన్నారు. సమాజ హితం కోసం చాగంటిని రాష్ట్ర ప్రభుత్వ సలహాదారుగా నియమిస్తున్నట్లు చెప్పారు.సీఎం చంద్రబాబునాయుడు, పలువురు మంత్రులతో పాటూ ఎమ్మెల్యేలు కూడా ఈ కార్యక్రమాల్లో పాల్గొన్నారు. పొన్నలూరి నివాస గార్గేయ ఆధ్వర్యంలో పంచాంగ పఠనం చేశారు.
Next Story