పాదయాత్రలో వారిన చూసిన తర్వాతనే?

పాదయాత్రలో మహిళల కష్టాలను చూసే వైఎస్సార్ చేయూత కార్యక్రమానికి శ్రీకారం చుట్టానని ముఖ్యమంత్రి వైఎస్ జగన్ అన్నారు. వైఎస్సార్ చేయూత కార్యక్రమాన్ని జగన్ ప్రారంభించారు. రాష్ట్రంలో ఉన్న 45 సంవత్సరాలు దాటిన పేద మహిళలకు ఏడాదికి 18,750లు ఈ పధకం కింద ఇవ్వనున్నారు. నాలుగేళ్లలో 75 వేల రూపాయలు ఇవ్వనున్నట్లు జగన్ ప్రకటించారు. ప్రభుత్వ సహకారంతో సొంత కాళ్ల మీద నిలబడే వారి కోసం చేయూత పథకాన్ని ఏర్పాటు చేశామన్నారు. అమూల్ వంటి సంస్థలతో ఒప్పందాలను కుదుర్చుకున్నామని చెప్పారు. ఈ పధకం కోసం ఈ ఏడాది 4,750 కోట్ల రూపాయలను కేటాయించినట్లు జగన్ తెలిపారు. మహిళలకు ఆర్థిక స్వావలంబన చేకూర్చేందుకు ఈ పథకం ఉపయోగపడుతుందని చెప్పారు. పింఛను తీసుకుంటున్న మహిళలకు కూడా ఈ పథకం వర్తిస్తుందన్నారు. రాష్ట్ర వ్యాప్తంగా 25 లక్షల మంది మహిళల వరకూ ఈ పథకం కింద లబ్ది పొందే అవకాశముంది.