జగనన్న చేదోడును ప్రారంభించిన సీఎం

ఆంధ్రప్రదేశ్ లో జగనన్న చేదోడు కార్యక్రమాన్ని ముఖ్యమంత్రి జగన్ ప్రారంభించారు. ఏపీలో షాపులున్న నాయీ బ్రాహ్మణులు, లాండ్రీ షాపుల యజమానులకు, టైలర్స్ కు ఏడాదికి పదివేల రూపాయలు ఇవ్వనున్నారు. ఈరోజు వారి ఖాతాల్లో నగదును జమ చేశారు. ఈ సందర్భంగా జగన్ లబ్దిదారులతో వీడియో కాన్ఫరెన్స్ ద్వారా మాట్లాడారు. తాను మ్యానిఫేస్టోలో చెప్పినట్లుగానే అందరికీ జగనన్న చేదోడు కార్యక్రమాన్ని ప్రారంభిస్తున్నట్లు ఆయన తెలిపారు. బడుగు, బలహీన వర్గా వారికి అండగా నిలిచేందుకే ఈ పథకాన్ని ప్రారంభించామన్నారు. మొత్తం 2,47 లక్షల మందికి ఈ పథకం ద్వారా లబ్ది చేకూరుతుందన్నారు. ఇందుకోసం 247 కోట్ల రూపాయలను కేటాయించారు.