పూలు.. పండ్లు అసలు కొనలేం.. ఒక్కసారిగా పెరిగిన ధరలు.. కార్తీక మాసం ఎఫెక్ట్

అయితే ఈ సీజన్ లో పండ్ల ధరలు చుక్కలు చూపిస్తున్నాయి. పుచ్చకాయ, యాపిల్, ఆరెంజ్ తో పాటు కమలాలు, జామకాయలు, కీరా దోస వంటివి ఎక్కువగా కొనుగోలు చేస్తుంటారు. ఇక అరటి పండ్లు కూడా సీజన్ తో నిమిత్తం లేకుండా ఆహారంలో ఒక వస్తువుగా భావించేవారు అనేక మంది. ఇక ఉపవాసాలు ఉండే సమయంలో ఎక్కువ మంది పండ్లు తీసుకోవడం, ఆలయాలకు వెళ్లి పండ్లను, పూలను నైవేద్యంగా సమర్పించడం వంటివి చేయడంతో వాటికి డిమాండ్ పెరిగింది. గతంలో యాపిల్ వంద రూపాయలకు ఐదు వరకూ వచ్చేవి. కానీ నేడు సోమవారం కేవలం రెండు మాత్రమే ఇస్తున్నారు. జామ కిలో ఎనభై రూపాయలు పలుకుతుంది.

కిలో పుచ్చకాయ వందరూపాయలకు పైగానే ధర ఉంది. ఇక అరటిపండ్ల ధరలు కూడా ఆకాశన్నంటుతున్నాయి. డజను అరటి పండ్లు నిన్నటి వరకూ అరవై రూపాయలు ఉండగా నేడు వందరూపాయలకు చేరుకుంది. ఆరెంజ్ లు నిన్నటి వరకూ వందకు పది వరకూ ఇచ్చేవారు. కానీ నేడు వందకు ఐదుకు మించి ఇవ్వడం లేదు. ఇకపూలు కూడా రెక్కలు విరుచుకుని మరీ ముందుకు ధరలు సాగాయి. బంతిపూలు, చేమంతులు వంటివి పావుకిలో ముప్ఫయి రూపాయలు వరకూ నేడు యాభై రూపాయల కు చేరుకుంది. గులాబీలను అసలు కొనలేని పరిస్థితి. అదేమంటే డిమాండ్ పెరిగిందని, దిగుబడి తగ్గిందని వ్యాపారులు చెబుతున్నారు. మొత్తం మీద కార్తీక మాసంలో పండ్లు, పూల ధరలు ఒక్కసారిగా పెరిగిపోవడంతో వినియోగదారులు ఇబ్బందులు పడుతున్నారు.