లాక్ డౌన్ సడలింపులు ఇలా ఉండనున్నాయా?

ఏప్రిల్ 20వ తేదీ తర్వాత లాక్ డౌన్ పై ఎలాంటి సడలింపులు ఉంటాయన్న దానిపై నేడు స్పష్టత రానుంది. ఇప్పటికే మార్గదర్శకాలను రూపొందించిన కేంద్ర ప్రభుత్వం ఈరోజు రాష్ట్రాలకు పంపనుంది. మే 3వ తేదీ వరకూ లాక్ డౌన్ ను కొనసాగించాలని కేంద్ర ప్రభుత్వం నిర్ణయించిన సంగతి తెలిసిందే. అయితే మరో ఐదు రోజులు అంటే ఏప్రిల్ 20వ తేదీ నుంచి కొన్నింటికి మినహాయింపులు ఇస్తామని ప్రధాని మోదీ ప్రకటించారు. ఈనేపథ్యంలో ఎలాంటి షరతులు ఉంటాయి? వేటికి మినహాయింపులు ఇస్తారన్న నదానిపై నేడు స్పష్టత వస్తుంది. నేడు కేంద్ర కేబినెట్ సమావేశం జరిగిన తర్వాత కేంద్ర ప్రభుత్వం లాక్ డౌన్ సడలింపులపై ప్రకటన చేయనున్నట్లు తెలుస్తోంది.