బ్రేకింగ్ : మంగళగిరిలో నారా లోకేష్ కు షాక్

మంత్రి నారా లోకేష్ పోటీ చేస్తున్న మంగళగిరి నియోజకవర్గంలో తెలుగుదేశం పార్టీకి షాక్ తగిలింది. ఆ పార్టీ నాయకురాలు, మాజీ ఎమ్మెల్యే కాండ్రు కమల టీడీపీకి రాజీనామా చేసి వైఎస్సార్ కాంగ్రెస్ పార్టీలో చేరారు. 2009లో ఆమె మంగళగిరికి ఎమ్మెల్యేగా పనిచేశారు. ఈ ఎన్నికల్లో ఆమె తెలుగుదేశం పార్టీ నుంచి మంగళగిరి టిక్కెట్ ఆశించారు. టిక్కెట్ ఆమెకు ఇవ్వకుండా లోకేష్ ను నిలబెట్టడంతో ఆమె పార్టీ పట్ల అసంతృఫ్తితో రాజీనామా చేశారు. ఇవాళ సాయంత్రం ఆమె వైసీపీ అధినేత జగన్ ఆధ్వర్యంలో వైసీపీలో చేరారు.