బాబుకు అఖిలేష్ ఫోన్

ఏపీ ముఖ్యమంత్రి, తెలుగుదేశం పార్టీ అధినేత చంద్రబాబునాయుడికి సమాజ్ వాదీ పార్టీ జాతీయ అధ్యక్షుడు, మాజీ ముఖ్యమంత్రి అఖిలేష్ యాదవ్ ఫోన్ చేశారు. బీజేపీకి వ్యతిరేకంగా అన్ని ప్రాంతీయ పార్టీలనూ కూడగడుతున్న చంద్రబాబు కృషిని ఆయన ఈ సందర్భంగా ప్రశంసించారు. ప్రజాస్వామ్యం మనుగడ సాగించాలంటే అందరం కలసి కట్టుగా పోరాడాల్సిందేనని అఖిలేష్ అభిప్రాయపడ్డారు. చంద్రబాబు ప్రయత్నానికి తాము అండగా ఉంటామని అఖిలేష్ యాదవ్ ఈ సందర్భంగా చెప్పారు. త్వరలోనే తాను వచ్చి కలుస్తానని చంద్రబాబు ఈ సందర్భంగా చెప్పారు.