బ్రేకింగ్ : ‘‘షాక్’’ ఇచ్చిన నాదెండ్ల

ఉమ్మడి ఆంధ్రప్రదేశ్ శాసనసభ మాజీ స్పీకర్ నాదెండ్ల మనోహర్ కాంగ్రెస్ పార్టీకి రాజీనామా చేశారు. ఆయన త్వరలోనే జనసేన పార్టీలోకి చేరబోతున్నారు. కాంగ్రెస్ పార్టీకి రాజీనామా లేఖ పంపిన అనంతరం ఆయన తిరుపతి బయలుదేరి వెళ్లారు. ఏపీలో ఇప్పుడిప్పుడే పుంజుకుంటున్న కాంగ్రెస్ కు నాదెండ్ల రాజీనామాతో భారీ షాక్ ఇచ్చినట్లయింది. వచ్చే ఎన్నికల్లో జనసేన అభ్యర్థిగా నాదెండ్ల బరిలోకి దిగుతారంటున్నారు. ఇటీవలే నాదెండ్ల మనోహర్ జనసేన అధినేత పవన్ కల్యాణ్ ను కలసి చర్చించిన సంగతి తెలిసిందే. తిరుపతిలో జనసేన అధినేత పవన్ కల్యాణ్ సమక్షంలో జనసేనలో చేరతారన్న ప్రచారం జరుగుతోంది.