Weather Report : వర్షం లేదు.. పాడులేదు.. ఎండలు మాత్రం వాయించేస్తున్నాయ్

ఈరోజు ఉత్తర కోస్తా, రాయలసీమలోని కొన్ని ప్రాంతాల్లో మోస్తరు వర్షాలు పడతాయని చెప్పింది. ఉరుములతో కూడిన వర్షంతో పాటు కొన్ని ప్రాంతాల్లో పిడుగులు పడే అవకాశముందని కూడా పేర్కొంది. అయితే పగటి ఉష్ణోగ్రతలు మాత్రం గణనీయంగా ఏపీలో పెరుగుతాయని కూడా చెప్పింది. నలభై రెండు నుంచి నలభై మూడు డిగ్రీల ఉష్ణోగ్రతలు నమోదయ్యే అవకాశముందని తెలిపింది. సాధారణ ఉష్ణోగ్రతల కంటే కనీసం రెండు నుంచి నాలుగు డిగ్రీలు అధికంగా ఉంటాయని ప్రజలు అప్రమత్తంగా ఉండాలని వాతావరణ శాఖ సూచించింి.

తెలంగాణ రాష్ట్రంలోనూ మరో రెండు రోజులు వర్షాలు పడతాయని హైదరాబాద్ వాతావరణ శాఖ ప్రజలను హెచ్చరించింది. ఉరుములు మెరుపులతో పాటు గంటకు నలభై నుంచి యాభై కిలోమీటర్ల వేగంతో ఈదురుగాలులు వీస్తాయని కూడా తెలిపింది. అయితే ఈరోజు నాగర్ కర్నూలు, సిద్ధిపేట్, జనగాం, హన్మకొండ, వరంగల్, మహబూబాబాద్, సూర్యాపేట్, నల్లగొండ, ఖమ్మం, భూపాలపల్లి, పెద్దపల్లి, కరీంనగర్, జగిత్యాల, ఖమ్మం, మంచిర్యాల, కుమ్రభీం ఆసిఫాబాద్ జిల్లాల్లో వర్షాలు పడే అవకాశముందని వాతావరణ శాఖ తెలిపింది. దీంతో పాటు పగటి పూట గరిష్ట ఉష్ణోగ్రతలు కూడా నమోదయ్యే అవకాశాలున్నాయని, పగటి పూట బయటకు రాకపోవడమే మంచిదని సూచిస్తున్నారు.