Weather Report : సాయంత్రానికి దంచికొట్టనున్న వర్షం.. పగటి పూట మాత్రం అదిరే ఎండలు

రెండు తెలుగు రాష్ట్రాల్లో రానున్న రెండు రోజల పాటు భారీ వర్షాలు పడతాయని వాతావరణ శాఖ తెలిపింది. పగలు ఎండల తీవ్రత, సాయంత్రానికి వర్షం కురిసేఛాన్స్ ఉందని రెండు రాష్ట్రాలకు వాతావరణ శాఖ అలెర్ట్ జారీ చేసింది. నిన్న హైదరాబాద్ లో కురిసిన వర్షానికి రోడ్లన్నీ జలమయమయ్యాయి.లోతట్టు ప్రాంతాల్లోకి నీరు చేరింది. అకాల వర్షం కురవడంతో ప్రజలు తీవ్ర ఇబ్బందులకు గురయ్యారు. తెలంగాణలోని అనేక ప్రాంతాల్లో భారీ వర్షంతో పాటు ఈదురుగాలులు కూడా వీచాయని, చెట్లు నేలకొరిగాయనితెలిపారు. అదే సమయంలో ఎవరికీ ఎలాంటి ప్రాణ నష్టంజరగకపోవడంతో అధికారులు కొంత ఊపిరి పీల్చుకున్నారు. నేడు కూడా భారీవర్షం కురిసే అవకాశముందన్న హెచ్చరికలు వినిపించాయి.