తమిళి "సై" కేసీఆర్

గవర్నర్ తమిళిసై సౌందర్ రాజన్ కు ప్రభుత్వానికి మధ్య వార్ ప్రారంభమయినట్లే కనిపిస్తుంది. గవర్నర్ నేరుగా రంగంలోకి దిగారు. రాష్ట్ర ప్రభుత్వంపై విమర్శలు గుప్పించారు. గతంలో మాదిరి పరోక్ష విమర్శలు కాకుండా నేరుగా విమర్శలు చేయడం వెనక కారణం ఏమై ఉంటుందన్న దానిపై టీఆర్ఎస్ లో పెద్దయెత్తున చర్చ జరుగుతుంది. గవర్నర్ గా తమిళి సై తో గత కొంతకాలంగా తెలంగాణ ప్రభుత్వానికి మధ్య పొసగడం లేదు. ప్రధానంగా హుజూరాబాద్ ఉప ఎన్నిక నుంచి ఇది మొదలయింది. సేవా విభాగం కింద ఎమ్మెల్సీ గా కౌశిక్ రెడ్డి పేరును తెలంగాణ కేబినెట్ ఆమోదించి గవర్నర్ క పంపితే ఆమె పెండింగ్ లో పెట్టారు. అప్పటి నుంచి ప్రగతి భవన్ కు, రాజ్‌భవన్ కు మధ్య దూరం పెరిగింది.