ముఖేష్ అంబానీపై విరుచుకుపడ్డ గవర్నర్

దేశంలోనే అత్యంత సంపన్నుడు ముఖేష్ అంబానీపై జమ్మూ కశ్మీర్ గవర్నర్ సత్యపాల్ మాలిక్ ఫైరయ్యారు. ఆయన జమ్మూలో జరిగిన ఫ్లాగ్ డేలో మాట్లాడుతూ పేరు చెప్పకుండా అంబానీని ఉద్దేశించి విమర్శలు గుప్పించారు. దేశంలో అత్యంత ధనవంతుడైన ఓ వ్యక్తి కుమార్తె పెళ్లికి రూ.700 కోట్లు ఖర్చు చేశారని, అతనికి ఆ డబ్బులు సేవ చేయడానికి, దేశం కోసం వెచ్చించడానికి చేతులు రాలేదన్నారు. ఆ డబ్బులో జమ్మూ కశ్మీర్ లో 700 పాఠశాలలు నిర్మించవచ్చని, 7000 మంది సైనిక అమరవీరుల పిల్లలు చదివించవచ్చని పేర్కొన్నారు. రాజకీయ నాయకులు, వ్యాపారవేత్తలు, ఉన్నతాధికారులు కేవలం సంపద పైనే ఆలోచిస్తున్నారు కానీ సేవ చేయడాలని ఆలోచించడం లేదని ఆయన పేర్కొన్నారు.