అచ్చెన్నాయుడికి 14 రోజుల రిమాండ్

మాజీ మంత్రి అచ్చెన్నాయుడుకు ఏసీబీ కోర్టు 14రోజుల రిమాండ్ విధించింది. ఈఎస్ఐ స్కామ్ కేసులో మాజీ మంత్రి అచ్చెన్నాయుడును పోలీసులు అరెస్ట్ చేసిన సంగతి తెలిసిందే. ఆయనకు వైద్య పరీక్షలు నిర్వహించిన అనంతరం ఏసీబీ కోర్టు న్యాయమూర్తి ఎదుట హాజరుపర్చారు. ఆయనకు 14రోజుల రిమాండ్ విధించారు. అయితే అచ్చెన్నాయుడికి ఇటీవల శస్త్ర చికిత్స జరగడంతో ఆయనకు ఆసుపత్రిలో చికిత్స అందించాలని న్యాయమూర్తి ఆదేశించారు. గుంటూరు ఆసుపత్రిలో అచ్చెన్నాయుడికి వైద్యం అందించాలని న్యాయమూర్తి ఆదేశించారు. ఇదేకేసులో అరెస్ట్ అయిన మాజీ డైరెక్టర్ రమేష్ కుమార్ ను రాజమండ్రి జైలుకు తరలించారు.