ఎవరికీ అన్యాయం జరగకుండా నిర్ణయం

కాంటాక్ట్ ఉద్యోగులకు ఇప్పటికే టైం స్కేల్ ను అమలు చేస్తున్నామని జగన్ చెప్పారు. రాష్ట్ర ప్రభుత్వంపై మోయలేని భారం మోపవద్దు అని జగన్ కోరారు. రాష్ట్ర ఆర్థిక పరిస్థితిని ఉద్యోగులు అర్థం చేసుకోవాలన్నారు. తెలంగాణతో పోల్చుకోవద్దని ఉద్యోగులను జగన్ కోరారు. తెలంగాణ ఆదాయం మనకు రావడం లేదు కదా? అని ప్రశ్నించారు. ఎవరికీ అన్యాయం జరగకుండా నిర్ణయం ఉంటుందని జగన్ తెలిపారు. తెలంగాణలో జీతాలు, పింఛన్లు 22,680 వేల కోట్లు ఖర్చు చేస్తే, ఏపీ 36 వేల కోట్లు ఖర్చు చేస్తున్నామని చెప్పారు. ఆదాయం తగ్గుతున్న సమయంలో భారం మోపడం మంచిది కాదన్నారు. వాస్తవాలను గుర్తించాలని జగన్ కోరారు.