జగన్ పై ఆ ప్రచారాలు అందుకేనా?

చంద్రబాబు, ఆయన అనుకూల మీడియా ఒకటే భావిస్తున్నారు. చంద్రబాబుకు తప్ప ఈ రాష్ట్రాన్ని పాలించే అర్హత ఎవరికీ లేదన్నది వారి భావన. చంద్రబాబు సీనియారిటీయే రాష్ట్రాన్ని అభివృద్ధి దిశగా పయనించేలా చేస్తుందని ప్రత్యేక కథనాలు వండి వారుస్తున్నాయి. జగన్ అధికారంలోకి వచ్చిన తర్వాత అప్పులు తప్ప ఏమీ లేవంటోంది. చంద్రబాబు కూడా లక్ష కోట్ల కు పైగానే అప్పులు చేసిన విషయాన్ని విస్మరించి మరీ విమర్శలు చేస్తుంది.

మరోవైపు జగన్ అప్పులు తెచ్చి సంక్షేమ పథకాలను నడుపుతుండటంతో, అప్పులు ఎక్కడా పుట్టనీయకుండా కూడా ప్రయత్నాలు జరుగుతున్నాయి. అప్పులు పుట్టకపోతే జగన్ పథకాలను కొనసాగించలేరు తద్వారా తాము లబ్ది పొందవచ్చన్నది టీడీపీ నేతల ఆలోచన. అందుకే ప్రతి పనికీ కిరికిరి పెడుతున్నారు. డిస్కంలకు చెల్లించాల్సిన 25 వేల కోట్ల బకాయీలను చెల్లించాలని ఈఆర్సీ రాసిన లేఖలను బయటపెట్టి బద్నాం చేసే ప్రయత్నం చేస్తున్నారు.

ముఖ్యమంత్రి జగన్ ఏ నిర్ణయం తీసుకున్నా అది కరెక్ట్ కాదని, తాము చెప్పినట్లే చేయాలని చంద్రబాబు డిమాండ్ చేస్తుండటం విడ్డూరంగా ఉంది. ఎయిడెడ్ స్కూళ్ల పై ప్రభుత్వం విడుదల చేసిన జీవోయే ఇందుకు ఉదాహరణ. దీనిపై టీడీపీతో సహా అనుకూల మీడియా యాగీయాగీ చేసింది. జగన్ మరికొంత కాలం ముఖ్యమంత్రి గా ఉంటే రాష్ట్ర సర్వనాశనం అవుతుందన్న సంకేతాలను ప్రజల్లోకి బలంగా పంపే ప్రయత్నం చేస్తుంది. మూడు రాజధానులపై రెండున్నరేళ్లు నాన్చి ఎక్కడా అభివృద్ధి చేయకుండా జగన్ రాష్ట్రాన్ని సర్వనాశనం చేశారని చంద్రబాబు వరద ప్రభావిత ప్రాంతాల పర్యటనలో కూడా విమర్శిస్తున్నారు. మొత్తం మీద జగన్ ను చేతకానివాడిగా చిత్రీకరించాలన్న విపక్ష పార్టీ ప్రయత్నాలు ఏ మేరకు సక్సెస్ అవుతాయన్నది చూడాల్సి ఉంది.