Murder Case : ప్రియుడితో కలిసి భర్తను లేపేసిన భార్య.. మర్డర్ స్కెచ్ మామూలుగా లేదుగా?

అయితే పోలీసుల కథనం ప్రకారం...అశోక్ ను హత్య చేయించింది భార్య పూర్ణిమ అని, ఆమెకు సహకరించింది ప్రియుడు మహేష్ అని పోలీసులు గుర్తించారు. పూర్ణిమ, అశోక్ కు పదకొండేళ్ల క్రితం వివాహమయింది. వీరికి పదేళ్ల కుమారుడున్నాడు. అయితే పూర్ణిమకు ఇంటి పక్కనే ఉండే మహేష్ అనే యువకుడితో పరిచయం శారీరక సంబంధానికి దారి తీసింది. అయితే ఇద్దరి మధ్య వివాహేతర సంబంధాన్ని గురించి తెలుసుకున్న అశోక్ భార్యను మందలించాడు. ప్రవర్తన మార్చుకోవాలని పలుమార్లు హెచ్చరించాడు. దీంతో భర్త అశోక్ ను లేపేయడానికి భార్య పూర్ణిమ స్కెచ్ వేసింది. అశోక్ పై పూర్ణిమ, మహేష్ లు దాడి చేసి చున్నీతో మెడకు బిగించి హత్య చేశారు.

అయితే తర్వాత అశోక్ సోదరికి ఫోన్ చేసిన పూర్ణిమ గుండెపోటుతో స్పృహలేకుండా పడిపోయాడని చెప్పింది. ఒంటిమీద గాయాలుండటంతో బాత్ రూమ్ లో పడ్డాడని నమ్మించింది. పోస్టుమార్టం చేయకుండా పూర్ణిమ, మహేష్ లు చివర వరకూ ప్రయత్నించార. అందుకు కుటుంబ సభ్యులను కూడా ఇంప్పించగలిగారు. కానీ పోలీసులు పోస్టుమార్టం చేయడంతో అది హత్య అని తేలింది. పోలీసులు తమ దైన శైలిలో విచారించగా అసలు విషయం బయటపడింది. దీనికి తోడు అశోక్ మృతిచెందిన తర్వాత పెద్దగా బాధపడకపోవడం కూడా బంధువులకు అనుమానాలు కలిగించింది. దీంతో పోలీసులు దర్యాప్తు చేసి ఇద్దరినీ అదుపులోకి తీసుకుని విచారిస్తున్నారు.