ఓటమి భయంతోనే ఈ డ్రామాలు

మునుగోడులో ఓటమి తప్పదని గ్రహించి కొత్త డ్రామాకు టీఆర్ఎస్ తెరలేపిందని కేంద్రమంత్రి కిషన్ రెడ్డి తెలిపారు. టీఆర్ఎస్ ఎమ్మెల్యేల కొనుగోలు అంటూ ప్రచారం చేసి పబ్బం గడుపుకోవాలని అధికార టీఆర్ఎస్ చూస్తుందన్నారు. ఎంత డబ్బు దొరికింది? ఎక్కడి నుంచి వచ్చిందన్న సమాచారం ఎక్కడ ఉంది? అని ఆయన ప్రశ్నించారు. ఎమ్మెల్యేలను, కార్పొరేటర్లను ఎవరు కొనుగోలు చేశారు అని ఆయన ప్రశ్నించారు. కనీసం వారి చేత రాజీనామాలు చేయించి తిరిగి ఎన్నికలకు వెళ్లిన చరిత్ర టీఆర్ఎస్ కు ఉందా? అని ఆయన నిలదీశారు. నాలుగు వందల కోట్లు వెచ్చించి కొనుగోలు చేయగలిగిన నేతలా? వాళ్లు అని కిషన్ రెడ్డి ప్రశ్నించారు. తమ వద్ద విమానాలు కొనేంత డబ్బులు లేవన్నారు.