ఎవరు ఫాసిస్ట్.. కిషన్ రెడ్డి సూటి ప్రశ్న

ఎన్ని కుట్రలు చేసిన హుజారాబాద్ నియోజకవర్గ ఆశీస్సులతో ఈటల రాజేందర్ ఎన్నికయ్యారన్న విషయం గుర్తుంచుకోవాలన్నారు. ఆయనను మాట్లాడనివ్వకుండా నిజాంలా వ్యవహరిస్తున్నారన్నారు. ప్రజాస్వామ్యాన్ని అవమానిస్తున్నారన్నారు. హుజూరాబాద్ ప్రజల తీర్పును కాలరాసే విధంగా వ్యవహరిస్తున్నారని కిషన్ రెడ్డి ఆరోపించారు. శాసన సభ నియమాలకు విరుద్ధంగా మాట్లాడింది కేసీఆర్ అని, ఆయనను స్పీకర్ శాశ్వతంగా సభ నుంచి సస్పెండ్ చేయాలని కిషన్ రెడ్డి డిమాండ్ చేశారు. కేసీఆర్ మాట్లాడుతున్న భాష ను అందరూ వింటున్నారన్నారు. ముఖ్యమంత్రి అందరికీ ఆదర్శంగా ఉండాలని అన్నారు. గవర్నర్ ను కూడా అవమానించేలా వ్యవహరిస్తున్నారన్నారు. కేసీఆర్ లో అభద్రత పెరిగిందన్నారు. అందుకే అందరినీ గోకుతున్నారన్నారు.