Sat Jul 27 2024 01:55:40 GMT+0000 (Coordinated Universal Time)
ఇత్తడి పాత్రలో ఇరుక్కుపోయిన బాలుడు..
రెండేళ్ల బాలుడు ఇత్తడి పాత్రలోకి దిగాడు. బాలుడి తల మాత్రం పైనే ఉండగా.. శరీరం మొత్తం ఆ పాత్రలో ఇరుక్కుపోయింది. బయటకు..
![warangal viral video warangal viral video](https://www.telugupost.com/h-upload/2023/01/05/1455012-warangal-viral-video.webp)
పిల్లలు ఆడుకుంటూ ఆడుకుంటూ చేసే.. కొన్ని చిలిపి పనులు వారి ప్రాణాలమీదికి తెస్తున్నాయి. నిన్న కొమురం భీం జిల్లాలో పిల్లలు దాగుడుమూతల ఆట.. ఓ చిన్నారి ప్రాణం తీసిన విషయం తెలిసిందే. తాజాగా జరిగిన మరో ఘటనతో.. దాదాపు చిన్నారి ప్రాణం పోయినంత పనైంది. తల్లిదండ్రులు తమ పనుల్లో నిమగ్నమై ఉండగా.. బాలుడు ఆరుబయట ఉన్న ఓ ఇత్తడి పాత్రలోకి దిగాడు. పైకి లేచేందుకు ఎంత ప్రయత్నించినా ఫలితం లేకపోయింది. వరంగల్ జిల్లా పర్వతగిరిలో జరిగిన ఈ ఘటనకు సంబంధించిన ఈ వీడియో సోషల్ మీడియాలో వైరల్ అవుతోంది.
రెండేళ్ల బాలుడు ఇత్తడి పాత్రలోకి దిగాడు. బాలుడి తల మాత్రం పైనే ఉండగా.. శరీరం మొత్తం ఆ పాత్రలో ఇరుక్కుపోయింది. బయటకు వచ్చేందుకు వీలు కాకపోవడంతో బాలుడు ఏడవడం మొదలుపెట్టాడు. ఏమైందా అని తల్లిదండ్రులు చూసేసరికి ఇత్తడిపాత్రలో ఇరుక్కుపోయి కనిపించాడు. వెంటనే బాలుడిని బయటకు తీసేందుకు ప్రయత్నించారు. ఎంత ప్రయత్నించినా బాలుడిని బయటకు తీయడం సాధ్యపడలేదు. దాంతో ఆ పాత్రతో పాటు బాలుడిని వెల్డింగ్ షాపుకి తీసుకెళ్లారు. అక్కడ గంట సమయం శ్రమించి పాత్రను జాగ్రత్తగా కట్ చేసి.. బాలుడిని బయటకు తీయడంతో అంతా ఊపిరి పీల్చుకున్నారు. అనంతరం బాలుడ్ని ఆస్పత్రికి తీసుకెళ్లగా.. వైద్యులు పరీక్షించి.. ఎలాంటి ఇబ్బంది లేదని తెలిపారు.
Next Story