TS Inter 2024: నేటి నుండి ఇంటర్ సప్లిమెంటరీ పరీక్షలు

తెలంగాణ రాష్ట్ర ఇంటర్‌ అడ్వాన్స్‌ సప్లిమెంటరీ పరీక్షలు ప్రారంభంకానున్నారు. జూన్‌ 3 వరకు పరీక్షలు నిర్వహించనున్నారు. ఆయా తేదీల్లో ఇంటర్‌ మొదటి సంవత్సరం పరీక్షలు ఉదయం 9 గంటల నుంచి మధ్యాహ్నం 12 గంటల వరకు జరగనున్నాయి. సెకెండియర్‌ పరీక్షలు మధ్యాహ్నం 2.30 నుంచి సాయంత్రం 5.30 గంటలకు వరకు నిర్వహిస్తారు. సప్లిమెంటరీ పరీక్షల హాల్‌టికెట్లను ఇంటర్ బోర్డు అధికారిక వెబ్‌సైట్‌లో అందుబాటులో ఉంచారు.

ప్రాక్టికల్ పరీక్షలు జూన్ 4 నుండి జూన్ 8 వరకు షెడ్యూల్ చేశారు. TS ఇంటర్ 2024 ప్రాక్టికల్ పరీక్ష రెండు సెషన్లలో జరుగుతుంది. ఉదయం (ఉదయం 9 నుండి మధ్యాహ్నం 12 వరకు), మధ్యాహ్నం (మధ్యాహ్నం 2 నుండి సాయంత్రం 5 వరకు) సాగనుంది. ఇంగ్లీష్ ప్రాక్టికల్ సెషన్‌లు మొదటి సంవత్సరం విద్యార్థులకు జూన్ 10, 2024న ఉదయం 9 గంటల నుండి నిర్వహించనున్నారు.