Fri Dec 05 2025 15:55:50 GMT+0000 (Coordinated Universal Time)
వామ్మో.. పెద్ద పులి తిరుగుతోంది!!
అటవీ ప్రాంతంలో ఓ దూడపై పెద్దపులి దాడి చేసింది
తెలంగాణ రాష్ట్రంలో పెద్ద పులి టెన్షన్ పెడుతోంది. బోథ్, సారంగాపూర్ మండలాల అడవుల్లో పులి సంచారం భయాందోళనలకు గురిచేసింది. అటవీ శాఖ ఏర్పాటు చేసిన సిసిటివి కెమెరా ట్రాప్లో అది రికార్డ్ అయింది. అటవీ అధికారుల ప్రకారం, రెండు సంవత్సరాల వయస్సు గల పులి బోథ్ శివార్లలో కనిపించింది. ఆవాసం, ఆహారం కోసం పొరుగున ఉన్న మహారాష్ట్ర నుండి ఈ ప్రాంతంలోకి అది దారితప్పి వచ్చి ఉండవచ్చునని అనుమానిస్తున్నారు.
ప్రజలు అప్రమత్తంగా ఉండాలని అధికారులు సూచించారు. త్వరలో దానిని పట్టుకుంటామని వెల్లడించారు. గత గురువారం బోథ్ అటవీ ప్రాంతంలో ఓ దూడపై పెద్దపులి దాడి చేసింది. పులి కదలికలను నిశితంగా పరిశీలిస్తున్నామని, సమీప గ్రామాల్లో అవగాహన కార్యక్రమాలు జరుగుతున్నాయని అధికారులు తెలిపారు. పులిని లోతైన అటవీ ప్రాంతాలలోకి మళ్లించడానికి, సురక్షితమైన ప్రయాణాన్ని సులభతరం చేయడానికి కూడా ప్రయత్నాలు జరుగుతున్నాయి.
Next Story