Tigger : నాకొక తోడు కావాలి.. అందుకే తిరుగుతున్నా

గత నెల రోజుల నుంచి ఈ పులి తోడు కోసం పరితపిస్తుంది. అడవి అంతా గాలిస్తుంది. దాదాపు 350 కిలోమీటర్ల దూరం ప్రయాణించి ఎక్కడైనా తనకు తోడు లభిస్తుందేమోనని పరితపించి పోతుంది. మహారాష్ట్ర అడవుల నుంచి కొండలు, గుట్టలు దాటి జాతీయ రహదారుల మీదుగా ప్రయాణించి కవ్వాల్ అడవుల్లో సంకరించుకుంది. ప్రస్తుతం జోడే ఘట్ లో ఆ పులి అనుకున్నది సాధించింది. అక్కడ ఒక ఆడపులి జాడను పసిగట్టి ఆ వైపుగా ప్రయాణం చేస్తుంది.

ఆడపులి ఈ ప్రాంతంలో సంచరిస్తున్నట్లు పసిగట్టిన మగపులి దాని కోసం వెదుకుతూనే ఉంది. దాని వెదుకులాట ఇంకా పూర్తి కాలేదు. ఆడపులి జాడ లభించలేదు. అయినా సరే విరామం ఎరగకుండా మగపులి ఆడపులి కోసం అన్వేషణ కొనసాగుతూనే ఉంది. ఆడపులి జాడ లభ్యమయితే కాని మగపులికి విశ్రాంతి తీసుకునే అవకాశం లేదనిపిస్తుంది. ఇటీవల మహారాష్ట్ర లోని అటీవీ ప్రాంతం నుంచి అనేక పులులు కవ్వాల్ అభయారణ్యానికి వచ్చాయని అటవీ శాఖ అధికారులు చెబుతున్నారు. ఆడపులి కోసం సంచరిస్తున్న ఈ మగపులి అన్వేషణను కెమెరాల్లో అటవీ శాఖ అధికారులు బంధించారు. జంతువులకు కూడా తోడు ఎంత అవసరమో ఈ ఉదంతం తెలియచేస్తుంది.