Tiger : మహారాష్ట్ర నుంచే పులులు వస్తున్నాయట.. ఈ కాలంలోనే ఎందుకు దాడి చేస్తాయంటే?

అయితే ఈ పులులు ఎక్కువగా మహారాష్ట్ర నుంచి వస్తున్నాయని అటవీ శాఖ అధికారులు చెబుతున్నారు. మహారాష్ట్రలో మనుషులపై దాడులు చేసే పులులను పట్టుకున్న అక్కడి అధికారులు కొంత ఊపిరిపీల్చుకున్నా కొన్ని పులులు మాత్రం మహారాష్ట్ర నుంచి ఉమ్మడి ఆదిలాబాద్ జిల్లాలోకి ప్రవేశించాయి. అటవీ ప్రాంతం గుండా అవి ప్రయాణించి ఆదిలాబాద్ కు చేరుకున్నాయి. పొలాల్లో పనులను చేసుకునేందుకు కూడా ప్రజలు జంకుతున్నారు. భయపడిపోతున్నారు. అదే సమయంలో పులి నుంచి తమను కాపాడాలంటూ ప్రజలు అటవీ శాఖ అధికారులకు మొరపెట్టుకుంటున్నారు. ప్రాణాలు అరచేతిలో పెట్టుకుని బితుకుబితుకుమంటూ కాలం వెళ్లదీస్తున్నారు.

మరోవైపు శీతాకాలంలోనే పులులు ఎక్కువగా దాడులకు దిగుతాయని అటవీ శాఖ అధికారులు చెబుతున్నారు. అవి ఈ కాలంలో తోడు కోసం వెదుకుతూ సుదీర్థ దూరం ప్రయాణం చేస్తుంటాయని చెప్పారు. మగ పులి ఆడి పులి కోసం, ఆడపులి మగ పులి కోసం వెదుకులాడుతూ వస్తుందని, ఈ సమయంలో కనిపించిన వారిపై దాడులు చేస్తుంటాయని,మామూలు సమయంలో అవి ప్రమాదకరం కావని అటవీ శాఖ అధికారులు చెబుతున్నారు. గతంలోనూ ఇదే కాలంలో పులల సంచారం ఎక్కువగా ఉందని, దాడులు కూడా ఎక్కువగా జరిగాయన్న విషయాన్ని వారు గుర్తు చేస్తున్నారు. అయితే కుమురం భీం జిల్లాలో దాడి చేసిన పులి ఆడదా? మగదా? అన్నది మాత్రం తెలియరాలేదు. మొత్తం మీద పులికోసం వెదుకులాట తీవ్రంగానే కొనసాగుతుంది.