అదో రహస్య జేబు.. 24 మద్యం సీసాలు దాచేశాడు

మద్యం అక్రమంగా రవాణా చేయడానికి కొత్త కొత్త దారులు వెతుక్కుంటూ ఉన్నారు. ఆబ్కారీ అధికారులు నిఘాను కట్టుదిట్టం చేసినా కూడా కొందరు అతి తెలివితో ప్రణాళికలను రచిస్తూ ఉన్నారు. ఇటీవల అక్రమ మద్యం రవాణాదారులను అదుపులోకి తీసుకోగా ఓ రహస్య జేబు బయట పడింది. ఆదిలాబాద్‌ జిల్లా భోరజ్‌ మండలం పెండల్‌వాడకు చెందిన అశోక్‌ షర్టు వేసుకుని కనిపించాడు. అంతా బాగానే ఉంది కానీ, ఎక్కడో ఏదో అనుమానంగా అనిపించింది అధికారులకు. అతడి షర్ట్ ను నిశితంగా పరిశీలించగా లోపల ఓ జాకెట్ ఉంది. దీన్నే అక్రమ మద్యం రవాణాకు వినియోగించుకున్నాడు. జాకెట్ కు లోపలి వైపు ఏకంగా 24 సీసాలు పట్టే విధంగా జేబులు కుట్టించుకున్నాడు. అందులో మద్యం సీసాలను తరలించేటప్పుడు అధికారులకు దొరికిపోయాడు.