Telangana : తెలంగాణలో మరో ఉప ఎన్నిక సిద్ధం.. దానం సిద్ధమవుతున్నారా?

ఆయనపై బీఆర్ఎస్ అనర్హత పిటీషన్ వేసింది. దీంతో దానం నాగేందర్ పై అనర్హత వేటు పడుతుందని భావిస్తున్న సమయంలో ఆయన ఈ రకమైన వ్యాఖ్యలు చేశారు. దీంతో దానం నాగేందర్ తాను కాంగ్రెస్ పార్టీలోనే ఉన్నానని స్పష్టం చేసి తాను బీఆర్ఎస్ కాదని స్పష్టం చేశారు. మూడు వందల డివిజన్లలో పర్యటించి తాను కాంగ్రెస్ గెలుపుకోసం పనిచేస్తానని దానం నాగేందర్ తెలిపారు. ఈ వ్యాఖ్యలతో ఆయన తాను కాంగ్రెస్ లో ఉన్నానని స్పష్టం చేయడంతో తాను రాజీనామాకు రెడీ అని చెప్పకనే చెప్పారు.

కాంగ్రెస్ బీఫారం మీద పోటీ చేసిన దానం నాగేందర్ పై అనర్హత వేటు పడకముందే తన ఎమ్మెల్యే పదవికి ఆయన రాజీనామా చేసేందుకు సిద్ధమయినట్లు కనిపిస్తుంది. ఇందుకు హైకమాండ్ కూడా గ్రీన్ సిగ్నల్ ఇచ్చిందని సమాచారం. ఖైరతాబాద్ ఉప ఎన్నిక ఖాయంగా రావడం కనిపిస్తుంది. అయితే ఎప్పుడు రాజీనామా చేసినా ఆరు నెలల్లో ఎన్నికలు జరగాల్సి ఉంది. అందుకే స్పీకర్ కు కూడా అనర్హత పిటీషన్ పై దానం నాగేందర్ ఎటువంటి వివరణ ఇవ్వలేదు.రాజీనామా చేసే సమయంలో ఇక వివరణ ఇవ్వడం ఎందుకు అని ఆయన స్పీకర్ కు ఎటువంటి లేఖ అందచేయలేదు. స్పీకర్ అనర్హత వేటు వేయకముందే దానం నాగేందర్ రాజీనామా చేస్తారన్నది వాస్తవం. అది మరికొద్దిరోజుల్లోనే జరగనుంది. దీంతో హైదరాబాద్ నగరంలో మరొక ఉప ఎన్నిక రావడం ఖాయం.