KCR : కార్యాచరణను సిద్ధం చేసిన గులాబీ బాస్ కాంగ్రెస్.. ఇక కాస్కో అంటున్న కేసీఆర్

తెలంగాణ మాజీ ముఖ్యమంత్రి కేసీఆర్ కీలక నిర్ణయం తీసుకున్నారు. బీఆర్ఎస్ పార్టీ విస్తృత స్థాయి సమావేశం ముగిసింది. ఈ సమావేశంలో బీఆర్ఎస్ నేతలకు కీలక ఆదేశాలు జారీ చేశారు. పాలమూరు రంగారెడ్డి ఎత్తిపోతల పథకంపై గ్రామ, మండల, జిల్లా స్థాయుల్లో సమావేశాలు నిర్వహించాలని నేతలను ఆదేశించారు. కృష్ణా జలాల అంశంలో కాంగ్రెస్ ప్రభుత్వం రాజీ పడిందని కేసీఆర్ అన్నారు. కృష్ణా జలాల విషయంలో బీఆర్ఎస్ అధికారంలో ఉన్నప్పుడు కేంద్ర ప్రభుత్వం 91 టీఎంసీలు కేటాయిస్తే, కాంగ్రెస్ ప్రభుత్వం 45 టీఎంసీల వద్ద రాజీ పడిందని తెలిపారు.