ఆ వార్తలు అవాస్తవం.. నేను సంతోషంగా ఉన్నా: తమిళిసై

ఈ కథనాల్లో ఎలాంటి నిజం లేదని అన్నారు తమిళిసై సౌందరరాజన్‌. తెలంగాణ గవర్నర్‌గా తాను సంతోషంగా ఉన్నానని, గవర్నర్‌గా రాజీనామా చేసున్నట్లు వస్తున్న వార్తలు అవాస్తవమని తమిళిసై సౌందర్ రాజన్ స్పష్టం చేశారు. నిరాధారమైన వార్తలను ప్రచారం చేయొద్దన్న గవర్నర్‌.. ఏదైనా నిర్ణయం తీసుకుంటే అన్ని విషయాలు తెలియజేస్తానని క్లారిటీ ఇచ్చారు. తమిళిసై గతంలో రెండు సార్లు ఎంపీగా పోటీ చేసి ఓటమి పాలయ్యారు. 2009లో చెన్నై నార్త్, 2019లో తూత్తూకూడి నుంచి ఎంపీగా పోటీ చేసి ఓడిపోయారు. భారతీయ జనతా పార్టీకి ఆమె చేసిన సేవలను గుర్తించిన బీజేపీ 2019 సెప్టెంబర్‌లో తమిళిసైని తెలంగాణ గవర్నర్‌గా నియమించారు. 2021 నుంచి పుదుచ్చేరి లెప్టెనెంట్ గవర్నర్‌గా అదనపు బాధ్యతలు అప్పగించారు.