గవర్నర్ తమిళి సై కీ కామెంట్స్

వరదల సమయంలో తాను భద్రాచలంలో పర్యటించినప్పుడు కనీసం కలెక్టర్ కూడా రాలేదన్నారు. మా మధ్య సంబంధం స్టేటస్ కో లోనే ఉందని ఆమె తెలిపారు. ఎలాంటి మార్పు లేదని తమిళి సై సౌందర్ రాజన్ తెలిపారు. అయితే గవర్నర్ గా ప్రజలకు ఎప్పుడూ అందుబాటులోనే ఉంటానని ఆమె స్పష్గం చేశారు. ప్రభుత్వం సహకరించినా, సహకరించకపోయినా తన పని తాను చేసుకుని వెళుతూనే ఉంటానన్నారు. వరదలపై కేంద్రానికి నివేదిక ఇచ్చానని, అందుకే కేంద్ర బృందం పర్యటించి వెళ్లిందని తమిళి సై సౌందర్ రాజన్ తెలిపారు. తాను రాజకీయాలు చేయనని, ప్రజలకు సేవ చేయడానికి మాత్రమే వచ్చానని ఆమె తెలిపారు. కేసీఆర్ ముందస్తు ఎన్నికలకు వెళ్లకపోవచ్చని గవర్నర్ అభిప్రాయపడ్డారు.