Telangana : 99 రోజుల యాక్షన్ ప్లాన్ ఇదే

ప్రజా పాలన-ప్రగతి ప్రణాళికను తెలంగాణ ప్రభుత్వం రూపొందించింది. ముఖ్యమంత్రి రేవంత్ రెడ్డి యాక్షన్ ప్లాన్ రెడీ చేశారు. మార్చి 6వ తేదీ నుంచి జూన్ 12 వరకు ఈ కార్యక్రమం కొనసాగించాలని నిర్ణయించారు. అయిదు దశల్లో 99 రోజుల యాక్షన్ ప్లాన్ ను జిల్లా కలెక్టర్ల ముందు రేవంత్ రెడ్డి ఉంచారు. ప్రణాళిక శాఖ ఈ కార్యక్రమానికి నోడల్ శాఖ గా వ్యవహరిస్తుంది. ఏప్రిల్ 2న గ్రామ స్థాయిలో గ్రామ సభలను నిర్వహిస్తారు. ఏప్రిల్ 16న మండల స్థాయిలో కార్యక్రమం ఉంటుంది. మే 2న నియోజకవర్గ స్థాయి కార్యక్రమం నిర్వహిస్తారు. మే 22న జిల్లా స్థాయిలో కార్యక్రమం జరుగుతుంది. జూన్ 2న రాష్ట్ర ఆవిర్భావ వేడుకను ఘనంగా నిర్వహిస్తారు. శాఖల వారీగా 10 వివిధ థీమ్ లతో 99 రోజుల కార్యక్రమాన్ని రూపొందించారు.