Telangana CM: ఢిల్లీకి తెలంగాణ సీఎం.. కారణాలు అవేనా?

తెలంగాణ ముఖ్యమంత్రి రేవంత్ రెడ్డి ఢిల్లీకి వెళ్లనున్నారు. సెప్టెంబర్ 16వ తేదీన సీఎం రేవంత్ రెడ్డి ఢిల్లీ ప‌ర్య‌ట‌న‌కు వెళ్ల‌నున్నారు. అదే రోజు డిప్యూటీ సీఎం భ‌ట్టి విక్ర‌మార్క‌, పీసీసీ అధ్యక్షుడు మ‌హేశ్ కుమార్ గౌడ్, మంత్రులు ఉత్త‌మ్ కుమార్ రెడ్డి, శ్రీధ‌ర్ బాబు కూడా వెళ్లే అవ‌కాశం కూడా ఉంది. సీఎం రేవంత్ రెడ్డి మంత్రివ‌ర్గ విస్త‌ర‌ణ‌, నామినేటెడ్ పోస్టుల భ‌ర్తీ, పీసీసీ కార్య‌వ‌ర్గ కూర్పు త‌దిత‌ర అంశాల‌పై పార్టీ అధిష్టానంతో చ‌ర్చించే అవ‌కాశం ఉందని సంబంధిత వర్గాలు తెలిపాయి.