నేడు జనగామకు కేసీఆర్

బీజేపీ నేతలను ముందస్తు అరెస్ట్ లు చేయనున్నారు. సభకు సమీపంలో బీజేపీ నేతలు వచ్చి నిరసన తెలిపే అవకాశముందన్న ఇంటలిజెన్స్ నివేదికతో పోలీసు శాఖ అప్రమత్తమయింది. జనగామలో బీజేపీ నేతలందరినీ ముందస్తుగానే హౌస్ అరెస్ట్ లు చేస్తున్నారు. ముఖ్యమంత్రి సభకు ఎలాంటి ఇబ్బంది లేకుండా చూసేందుకు పోలీసులు పెద్దయెత్తున బందోబస్తును ఏర్పాటు చేశారు.

కేసీఆర్ నేడు జనగామ జిల్లాలో కలెక్టర్ కార్యాలయాన్ని ప్రారంభించనున్నారు. ఈ ప్రాంగణలంలోనే అన్ని కార్యాలయాలను నిర్మించారు. అక్కడి నుంచి పార్టీ కార్యాలయాన్ని కూడా కేసీఆర్ ప్రారంభించనున్నారు. అనంతరం బహిరంగ సభలో కేసీఆర్ ప్రసంగించనున్నారు. సభకోసం భారీ సంఖ్యలో ప్రజలను సమీకరిస్తున్నారు. కేసీఆర్ ప్రధాని మోదీని విమర్శలు చేసిన తర్వాత తొలి సభ కావడంతో సభను విజయవంతం చేయాలని టీఆర్ఎస్ శ్రేణులు పెద్దయెత్తున ప్రజలను సమీకకరిస్తున్నారు. ఈ సభలో కేసీఆర్ ప్రసంగంపై సర్వత్రా ఆసక్తి నెలకొంది. మోదీ విషయంలో మరోసారి విరుచుకుపడే అవకాశం ఉంది.