Telangana : ఐఏఎస్ లకు రేవంత్ కీలక ఆదేశాలు

తెలంగాణ ముఖ్యమంత్రి రేవంత్ రెడ్డి అధికారులపై సీరియస్ అయ్యారు. ప్రజా ప్రభుత్వం ఏర్పడి రెండేళ్లు పూర్తయిందని అధికారులు విజన్ 2047 పాలసీని అమలు చేయాలని ముఖ్యమంత్రి రేవంత్ రెడ్డి కోరారు. ఈ రెండేళ్లలో కొన్ని విజయాలు సాధించామని, కొన్ని ప్రణాళికలు రూపొందించుకున్నామని తెలిపారు. గతంలో ఎనర్జీ, ఎడ్యుకేషన్, ఇరిగేషన్, హెల్త్ లాంటి వివిధ శాఖలకు సంబంధించి ఒక పాలసీ లేకపోవడంతో కొన్ని సమస్యలు వచ్చాయన్న రేవంత్ రెడ్డి అందుకే ముఖ్యమైన విభాగాలకు ఒక పాలసీని తీసుకున్నామని తెలిపారు. రాష్ట్రానికి ఒక పాలసీ ఉండాలని తెలంగాణ రైజింగ్ 2047 విజన్ డాక్యుమెంట్ ను విడుదల చేసుకున్నామన్న ఆయన రాష్ట్రాన్ని క్యూర్ ( CURE), ప్యూర్ (PURE), రేర్ (RARE) గా విభజించి అభివృద్ధికి ప్రణాళికలు రూపొందించుకుంటున్నామని తెలిపారు.