Telangana : క్లిష్ట పరిస్థితుల్లో తెలంగాణ.. సహకరించరూ

దీంతో పాటు ప్రతి సంక్షేమ పథకం అమలు చేయాలంటే సంక్లిష్టంగానే మారింది. ఇక్కడ కాంగ్రెస్, కేంద్రంలో బీజేపీ ప్రభుత్వం ఉండటంతో సహకారం అందడంలోనూ అనుమానమే. అనుమానమే కాదు.. ఎలాంటి సాయం రాదు. మరొక వైపు భూములు విక్రయించి పథకాలను అమలు చేయడంతో పాటు ప్రధాన సమస్యలను తీర్చాలన్నా కాళ్లకు అడ్డం పడే వారు ఎక్కువయ్యారు. బీఆర్ఎస్ కోరుకునేది అదే. కేసీఆర్ సిల్వర్ జూబ్లీ వేడుకల్లో కాంగ్రెస్ ఫెయిల్.. ఫెయిల్ అంటూ చేసిన నినాదం వెనక ఇదేనని అంటున్నారు. కాంగ్రెస్ ప్రభుత్వంపైన ఫెయిల్ అనే ముద్ర వేయడానికి కారు పార్టీ ప్రయత్నం చేస్తుంది. ప్రజలు కూడా దానిని విశ్వసించే అవకాశముంది.

అందుకే ముఖ్యమంత్రి రేవంత్ రెడ్డి తరచూ రాష్ట్ర ఆర్థిక పరిస్థితిని వివరిస్తూ ప్రజలను చైతన్యం చేస్తున్నారు. మరొక వైపు సంక్షేమ పథకాలు ఏవీ ఆపడం లేదు. పైగా సన్న బియ్యం వంటి పథకాలను కూడా ప్రవేశపెట్టి మరింత ఆర్థిక భారాన్ని ఖజానాపై మోపుతున్నారు. ఈ నేపథ్యంలోనే సహజంగా ఉద్యోగులు తమ డిమాండ్లను కూడా నెరవేర్చుకోవడానికి ప్రయత్నిస్తారు. అందులో భాగంగానే ఆర్టీసీ కార్మికుల సమ్మె కు నోటీసులు ఇచ్చారు. వారు విరమించుకున్నా తాత్కాలిక వాయిదాననే ప్రకటించారుక. భవిష్యత్ లో ఉద్యోగ సంఘాలు కూడా ఆందోళనకు దిగే అవకాశముంది. దీంతో పాటు కాంగ్రెస్ పార్టీ ఇచ్చిన మిగిలిన హామీలను కూడా అమలు చేయాలని విపక్ష పార్టీల నుంచి వత్తిడి ప్రారంభమయ్యే అవకాశాలు కనిపిస్తున్నాయి. అందుకే ముందు జాగ్రత్త చర్యగా రేవంత్ రెడ్డి ప్రజలతో పాటు వివిధ ఉద్యోగ సంఘాలకు కూడా వాస్తవ పరిస్థితులను చెబుతున్నారు. మరి ప్రజలు ఏ రకంగా దీనిని స్వీకరిస్తారన్నది చూడాలి.