కేసీఆర్ కొత్త పార్టీ... హైదరాబాద్ వేదికగానే

రైతులు, బడుగు బలహీనవర్గాల అజెండాగా ఈ పార్టీని కేసీఆర్ ప్రారంభించనున్నారు. కొత్తపార్టీపై కేసీఆర్ చేసిన కసరత్తు కొలిక్కి వచ్చినట్లు సమాచారం. బీజేపీని గద్దె దించాలన్న లక్ష్యంతో ఈ పార్టీని కేసీఆర్ ఏర్పాటు చేయనున్నారు. మేధావులు, రైతులతో ఆయన చర్చించారు. వివిధ రాష్ట్రాలకు వెళ్లి బీజేపీయేతర పార్టీల నేతలను కలసి వచ్చారు. పార్టీ పెట్టిన తర్వాతనే ఫ్రంట్‌లు, పొత్తులు విషయం ఉంటాయని గులాబీ పార్టీ వర్గాలు చెబుతున్నాయి. ఈ నెల 11న కర్ణాటక మాజీ ముఖ్యమంత్రి కుమారస్వామి హైదరాబాద్ వస్తున్నారు. ఆ తర్వాతనే పార్టీ ప్రకటన ఉండే అవకాశముందని తెలిసింది.