తెలంగాణ కేబినెట్ నిర్ణయాలివే

గృహలక్ష్మి పథకం ద్వారా నాలుగు లక్షల ఇళ్లు మంజూరు చేయాలని కేబినెట్ సమావేశం నిర్ణయించింది. నియోజకవర్గానికి మూడు వేల ఇళ్లను మంజూరు చేయాలని కేబినెట్ సుముఖత వ్యక్తం చేసింది. ఏప్రిల్ 14 అంబేద్కర్ విగ్రహాన్ని ఆవిష్కరించాలని నిర్ణయం తీసుకున్నట్లు మంత్రి హరీశ్ రావు తెలిపారు. పేదలకు ఉపయోగపడే పలు సంక్షేమ పథకాలను అమలు చేయాలని కేబినెట్ నిర్ణయించింది. గొర్రెల పంపిణీ పథకానికి 4,463 కోట్ల నిధులను మంజూరు చేస్తూ కేబినెట్ నిర్ణయం తీసుకుంది. కాశీలో తెలంగాణ తరుపున వసతి గృహం నిర్మించాలని నిర్ణయించింది. శబరిమలలోనూ వసతి గృహాలను నిర్మించాలని నిర్ణయించిందని హరీశ్ రావు తెలిపారు.