Telangana : తెలంగాణ మంత్రి వర్గ విస్తరణ కు అడ్డు అదేనా?

దీనికి కారణాలు కాంగ్రెస్ నాయకులే. ఎక్కువ మంది ఆశావహులు ఉండటమే కారణమని తెలిసింది. గత ఎన్నికలకు ముందు అనేక మందిని పార్టీలో చేర్చుకుని నాడు ఇచ్చిన హామీ లను అమలు చేయాలని వారు కోరుతున్నారు. కానీ కాంగ్రెస్ నేతలు ఎక్కువ మంది రెడ్డి సామాజికవర్గం నేతలు కేబినెట్ లో స్థానం కల్పించాలంటూ వత్తిడి తెస్తుండటంతో ఒకే సామాజికవర్గానికి ఇవ్వడం మంచిది కాదన్న అభిప్రాయంలో హైకమాండ్ ఉంది. అదే సమయంలో కుటుంబంలో ఇద్దరికి ఇవ్వడం కూడా కష్టమన్ననిర్ణయానికి వచ్చింది. మరోవైపు ప్రాంతాల వారీగా కూడా పోటీ ఏర్పడింది. హైదరాబాద్, రంగారెడ్డి జిల్లా నేతలు తమకు కేబినెట్ లో అవకాశం కల్పించాలంటూ వినతి పత్రాలు సమర్పించారు.

మంత్రి వర్గ విస్తరణ చేపడితే నేతలలో అసంతృప్తి పెరుగుతుందని భావించిన హైకమాండ్ ఆ నిర్ణయాన్ని మరోసారి వాయిదా వేసినట్లు తెలిసింది. ఒకవేళ మంత్రి వర్గంలో చోటు దక్కకపోతే రేవంత్ రెడ్డి ప్రభుత్వానికి ఇబ్బందులు ఎదురవుతాయన్న అనుమానం కూడా హైకమాండ్ లో ఉంది. ఎందుకంటే కాంగ్రెస్ నేతలు ఎక్కువ మంది ఆశలు పెట్టుకోవడం, వారిలో సీనియర్ నేతలు ఎక్కువగా ఉండటంతో పాటు కొందరు రాజీనామాలు చేస్తామని బెదిరించడం కూడా వాయిదా పడటానికి కారణాలు అని చెబుతున్నారు. దీంతో ఇప్పట్లో మంత్రి వర్గ విస్తరణకు అవకాశం లేదని హస్తిన వర్గాల నుంచి అందుతున్న సమాచారం. అలాగే అందరినీ ఒప్పించి, రెండున్నరేళ్ల తర్వాత కానీ మంత్రి వర్గ విస్తరణ జరిగే అవకాశాలు లేకపోలేదని అంటున్నారు.