30 ఏళ్ల తర్వాత ఏం జరగబోతుందో ముందే ఊహిస్తా

కరోనా వ్యాక్సిన్ రావడానికి దోహదం చేసింది టీడీపీయేనని అన్నారు. నేషనల్ హైవే ఆలోచన కూడా తనదేనని అన్నారు. తడ నుంచి నెల్లూరు వరకూ తొలుత నిర్మించామని తెలిపారు. సంపద సృష్టించి ఉపాధి అవకాశాలను మెరుగుపర్చడానికి తాను పనిచేశానని తెలిపారు. అదే సమయంలో బడుగు బలహీన వర్గాలకు సంక్షేమ పథకాలను అందచేయాలన్నారు. ఐటీలో తెలుగు యువతకు ఉన్న శక్తి మరెవ్వరికీ లేదన్నారు.

బీసీలకు టీడీపీ అధిక ప్రాధాన్యత ఇచ్చానని చెప్పారు. కంపెనీలను తేవడం కోసం ప్రపంచమంతా తిరిగానని చంద్రబాబు అన్నారు. మైక్రోసాఫ్ట్ కంపెనీని హైదరాబాద్ కు తెచ్చింది తానేనని అన్నారు. ఐఎస్బిని ఏర్పాటు చేసి హైదరాబాద్ కు మరింత వన్నె తెచ్చామన్నారు. బడుగు బలహీన వర్గాలకు సమాజంలో ఒక ఉన్నత స్థానాన్ని కల్పించింది టీడీపీయేనని అన్నారు. తెలంగాణలో టీడీపీ అవసరం ఉందా? లేదా? అని ప్రజలను ఆయన ప్రశ్నించారు. భద్రాచలానికి వరదలు రాకుండా నాడే కరకట్టను నిర్మించామని, అదే టీడీపీ దూరదృష్టి అని ఆయన అన్నారు. టీడీపీ తెలంగాణలోనూ బలంగా ఉండాల్సిన అవసరం ఉందన్నారు. టీడీపీ ఎక్కడ అని అడిగేవారికి ఖమ్మం సభ సమాధానమన్నారు.