ఇద్దరితో మొదలై.. ఇరవై మందికి

ఇద్దరితో మొదలయిన అరెస్టులు ప్రస్తుతానికి ఇరవై మందికి చేరిందని రేవంత్ అన్నారు. ప్రభుత్వ పెద్దల హస్తం లేనిదే పరీక్ష పత్రాలు లీకేజీ సాధ్యం కాదని ప్రజలకు అర్థమైపోయిందన్నారు. ఆరోపణలు ఎదుర్కొంటున్న కేసీఆర్ – కేటీఆర్ అండ్ కో నియమించిన “సిట్” విచారణకు తనను పిలిచిందని, తప్పును ఎత్తి చూపడమే తన నేరంగా భావించి విచారణకు పిలించిందన్నారు. ఆరోపణల గురించి ప్రస్తావించ కూడదని, అన్యాయాన్ని నిలదీయకూడదనే సిట్ తనకు నోటీసులు ఇచ్చి విచారణకు పిలిచిందన్నారు. సీబీఐ లేదా సిట్టింగ్ జడ్జి విచారణ కోసం తాను చివరి వరకూ పోరాడతానని తెలిపారు. ముప్ఫయి లక్షల మంది నిరుద్యోగులకు న్యాయం జరిగే వరకు పోరాడుతానని ఆయన తెలిపారు.