ఐదు రోజులపాటు వర్షాలే

వచ్చే ఐదు రోజులపాటు తెలంగాణ రాష్ట్రంలో వర్షాలు కురిసే అవకాశం ఉన్నట్టు హైదరాబాద్ వాతావరణ కేంద్రం తెలిపింది. ఉత్తర కర్ణాటక పరిసర ప్రాంతాల్లో ఉన్న ఉపరితల ఆవర్తనం గురువారం ఉత్తర కోస్తా కర్ణాటక , దాని పరిసర ప్రాంతాల్లో సముద్ర మట్టానికి 4.5 కి.మీ ఎత్తులో కొనసాగుతోంది. తమిళనాడు కోస్తా వద్ద నైరుతి బంగాళాఖాతంలో ఏర్పడిన ఆవర్తనం అదే ప్రాంతంలో సగటు సముద్రమట్టానికి 5.8 కి.మీ ఎత్తులో కొనసాగుతోంది.వీటి ప్రభావాలతో తెలంగాణ రాష్ట్రంలో రాగల ఐదు రోజులపాటు తేలిక పాటి నుంచి.. ఒక మోస్తరు వర్షాలు కురిసే అవకాశం ఉన్నట్టు వాతావరణ కేంద్రం తెలిపింది. రాగల మూడు రోజులు ఉరుములు, మెరుపులతో కూడిన వర్షాలు కొన్ని జిల్లాల్లో కురిసే అవకాశం ఉన్నట్టు తెలిపింది.