వాళ్ల ఆత్మహత్యలకు కారణం ఎవరు?

నిధులను కాంట్రాక్టర్లకు కట్టబెట్టడానికి నిధులను దారి మళ్లించారని రేవంత్ ఆరోపించారు. తమ నిధులను విడుదల చేయాలని డిమాండ్ చేసిన వారిని సస్పెండ్ చేస్తున్నారని, ఇది అన్యాయమని ఆయన అన్నారు. సర్పంచ్ ల తీరు పట్ల నిర్లక్ష్యం వ్యవహరించిన మంత్రి కేటీఆర్ ను ఏం చేయాలని ఆయన ప్రశ్నించారు. కేటీఆర్ నిర్లక్ష్యం కారణంగానే మూసీలో మునిగి ముప్పయి మంది మరణించారన్న విషయాన్ని ఆయన ఈ సందర్భంగా గుర్తు చేశారు. సర్పంచ్ ల పట్ల దారుణంగా వ్యవహరిస్తున్నారని మండి పడ్డారు. సర్పంచ్ వ్యవస్థలను నిర్వీర్యం చేస్తున్నారని ఆగ్రహం వ్యక్తం చేశారు. ఆత్మహత్య చేసుకున్న ప్రతి సర్పంచ్ కుటుంబానికి కోటి రూపాయల పరిహారం చెల్లించాలని రేవంత్ డిమాండ్ చేశారు.