కేటీఆర్ కు రేవంత్ కౌంటర్

తోట చంద్రశేఖర్ కు చెందిన ఆదిత్య కనస్ట్రక్షన్స్ కు ధరణి పోర్టల్ ను అడ్డం పెట్టుకుని దందా చేశారన్నారు. ఆ సంస్థ పేరు మీద బదలాయించుకున్నారన్నారు. ఎన్ఓసీ కూడా ఇచ్చారన్నారు. తాను చేస్తున్న ఆరోపణలపై కేటీఆర్ విచారణకు సిద్ధమవ్వాలన్నారు. కేటీఆర్ కొల్లగొట్టిన భూములు ఎవరెవరి పేర్లపై బదలాయించారో బయటపెట్టాలని ఆయన డిమాండ్ చేశారు. నిజాం కాలం ముందు నుంచి ప్రభుత్వం ఆధీనంలో ఉన్న భూములను కొల్లగొట్టారన్నారు. తనపై కేటీఆర్ చేసిన ఆరోపణలకు సిట్టింగ్ జడ్జి చేత విచారణ జరిపించాలని, అందుకు తాను సిద్ధంగా ఉన్నానని రేవంత్ రెడ్డి తెలిపారు.