Telangana : పార్టీ మారిన ఎమ్మెల్యేల నియోజకవర్గాల్లో గెలుపెవరిదంటే?

కడియం శ్రీహరి ప్రాతినిధ్యం వహిస్తున్న స్టేషన్ ఘన్ పూర్ నియోజకవర్గంలో కాంగ్రెస్ మున్సిపాలిటీని గెలుచుకుంది. కడియం శ్రీహరి కుమార్తె కావ్య గత పార్లమెంటు ఎన్నికల్లో కాంగ్రెస్ అభ్యర్థిగా వరంగల్ నుంచి పోటీ చేసి గెలుపొందారు. అయితే కడియం శ్రీహరి విషయంలో ఇంకా స్పీకర్ తీర్పు వెలువరించలేదు. మున్సిపల్ ఎన్నికల ఫలితాల తర్వాత తీర్పు వెలువరించే అవకాశముంది. అనధికారికంగా చూస్తే కడియం శ్రీహరి కాంగ్రెస్ కు మద్దతుదారుగానే ఉన్నారు. కానీ అక్కడ కాంగ్రెస్ అభ్యర్థులే విజయం సాధించారు.

బాన్సు వాడలోనూ పోచారం శ్రీనివాసరెడ్డి బీఆర్ఎస్ నుంచి గెలిచి కాంగ్రెస్ మద్దతుదారుగా నిలిచారు. అక్కడ కూడా కాంగ్రెస్ అభ్యర్థులే విజయం సాధించారు. చేవెళ్ల నియోజకవర్గం నుంచి కాలె యాదయ్య కూడా బీఆర్ఎస్ నుంచి గెలిచి కాంగ్రెస్ వైపు వెళ్లారు. కానీ ఇక్కడ కూడా కాంగ్రెస్ అభ్యర్థులు గెలిచి మున్సిపాలిలిటీని సొంతం చేసుకున్నారు. కానీ గద్వాల్ నియోజకవర్గంలో బండ్ల కృష్ణ మోహన్ రెడ్డి నేతృత్వంలో అక్కడ కాంగ్రెస్ పార్టీ అభ్యర్థులు పెద్ద సంఖ్యలో గెలవలేదు.హంగ్ ఏర్పడింది. జగిత్యాలలోనూ సంజీవ్ కుమార్ కు, సీనియర్ నేత జీవన్ రెడ్డి వర్గాల మధ్య పోరు జరిగింది. దీంతో ఇక్కడ కూడా స్పష్టమైన మెజారిలటీ రాలేదు. ఐదుగురు బీఆర్ఎస్ ఎమ్మెల్యేల నియోజకవర్గంలో కాంగ్రెస్ మూడు చోట్ల విజయం సాధించినట్లయింది.