Delhi : ఢిల్లీలో డ్రగ్స్ రాకెట్ బద్దలు.. దేశంలో దొరికిపోయిన ప్లెడ్లర్లు.. యాభై మంది నైజీరియన్ ల అరెస్ట్

ఈ ఆపరేషన్‌లో అనేక ఏజెన్సీల అధికారులు పాల్గొన్నారు. నాలుగు చోట్లనుంచి 5,340 ఎక్స్టసీ గోలీలు, 250 గ్రాముల కోకైన్‌, 109 గ్రాముల హెరాయిన్‌, 250 గ్రాముల మెతాంఫెటమిన్‌ను పట్టుకున్నారు. వీటి మొత్తం విలువ సుమారు రూ.3.5 కోట్ల రూపాయలు ఉంటుందని అంచనా వేస్తున్నారు. . భారీ నగదును కూడా స్వాధీనం చేశారు. ఢిల్లీలో 59 మ్యూల్‌ ఖాతాలు, 16 ప్రధాన కార్టెల్ హబ్‌లను గుర్తించారు. 107 బ్యాంకు ఖాతాలను ఫ్రీజ్‌ చేశారు. ఈ సంయుక్త ఆపరేషన్ తో కార్టెల్‌ సరఫరా నెట్‌వర్క్‌ ను పట్టుకున్నామని అధికారులు తెలిపారు. కొరియర్ సర్వీస్ లను ఉపయోగించుకుని, మహిళల ద్వారా ఈ డ్రగ్స్ ను దేశంలోని వివిధ ప్రాంతాలకు సరఫరా చేస్తున్నట్లు గుర్తించారు.

సైబరాబాద్‌ నార్కోటిక్స్‌ పోలీసు స్టేషన్‌ పరిధిలోని మాల్నాడు రెస్టారెంట్‌, మహీంద్రా యూనివర్శిటీ కేసుల దర్యాప్తునకు గానూ అధికారులు కీలక సమాచారం సేకరించారు. డ్రగ్స్‌కు సంబంధించిన ఆర్డర్లు నైజీరియాలో ఉన్న ప్రధాన కార్టెల్‌ ఆర్గనైజర్‌ నిక్‌ అనే వ్యక్తికి వెళుతున్నాయని గుర్తించారు. అతడు విదేశాల్లో నుంచే నడిపించే రెండు ఫోన్‌ నంబర్లను ఉపయోగిస్తున్నట్లు దర్యాప్తు తెలిపింది. సమాచారం అందిన వెంటనే తొందరపడకుండా ఈ డ్రగ్స్ ర్యాకెట్ వెనక ఎవరెవరున్నారన్న విషయాన్ని కూడా ఈ ఆపరేషన్ లో పోలీసులు గుర్తించగలిగారు. మొత్తం 150 మంది ఈగల్ టాస్క్ ఫోర్స్ సిబ్బంది ఢిల్లీకి వెళ్లి అక్కడి పోలీసు అధికారులతో సమన్వయం చేసుకుని ఈ దాడులు నిర్వహించారు. తెలంగాణ ఈగల ఫోర్స్ నిర్వహించిన ఈ దాడులతో దేశ వ్యాప్తంగా మూలాలనున్న డ్రగ్స్ రాకెట్ బద్దలయింది.