Telangana : హిల్ట్ పాలసీపై దుద్దిళ్ల శ్రీధర్ బాబు ఏమన్నారంటే?

తెలంగాణ ప్రభుత్వం తీసుకు వచ్చిన హిల్ట్ పాలసీపై మంత్రి దుద్దిళ్ల శ్రీధర్ బాబు స్పందించారు. బీఆర్ఎస్, బీజేపీలు ఈ విషయంలో ఏకమై అవాస్తవాలు ప్రచారం చేస్తున్నాయని దుద్దిళ్ల శ్రీధర్ బాబు అన్నారు. ఆయన కొద్దిసేపటి క్రితం మీడియా సమావేశంలో మాట్లాడుతూ హైదరాబాద్ నగరాన్ని కాలుష్యం బారి నుంచి కాపాడటానికే ఈ హిల్ట్ పాలసీని ప్రభుత్వం తీసుకు వచ్చిందన్నారు. ప్రభుత్వం పరిశ్రమలకు లీజుకు ఇచ్చిన భూములను కన్వర్షన్ చేసే అవకాశం లేదని తెలిపారు. నగరంలో ఉన్న పరిశ్రమల యజమానులకు సొంత భూములుండి, పట్టాలున్న వారికి మాత్రమే కన్వర్షన్ ఫీజు పెట్టామని మంత్రి దుద్దిళ్ల శ్రీధర్ బాబు వివరించారు.