Weather Report : తెలంగాణలో నేడు కూడా వర్షాలు.. ఎక్కడకెక్కడంటే?

ఈరోజు కూడా ఉరుములు మెరుపులతో కూడిన వర్షం పడుతుందని వాతావరణ శాఖ చెబుతుండటంతో రైతుల గుండె గుభిల్లు మంటోంది. వేసవి తాపం నుంచి సేదతీరేందుకు అవకాశమున్నప్పటికీ ప్రధానంగా వ్యవసాయ రంగం మాత్రం దెబ్బతినే అవకాశముందని, సామాన్య పౌరులకు మాత్రం ఆహ్లాదకరమైన వాతావరణం తెలంగాణవాసులను అలరించనుంది. కేవలం వడగండ్ల వానలతో పాటు గంటకు ముప్ఫయి నుంచి నలభై కిలోమీటర్ల వేగంతో ఈదురుగాలులు వీస్తాయని కూడా వాతావరణ శాఖ తెలిపింది.

ఆదివారం వరంగల్, హనుమకొండ, జనగాం, మంచిర్యాల, జగిత్యాల, పెద్దపల్లి, జయశంకర్ భూపాలపల్లి జిల్లాల్లో భఆరీ వర్షాలు పడే అవకాశముందని వాతావరణ శాఖ తెలిపింది. దీంతో పాటు కుమ్రంభీం ఆసిఫాబాద్, రాజన్న సిరిసిల్ల, ఆదిలాబాద్, కరీంనగర్, ములుగు, భద్రాద్రి కొత్తగూడెం, ఖమ్మం, నల్లగొండ, సూర్యాపేట, మహబూబాబాద్, సిద్ధిపేట, యాదాద్రి భువనగిరి జిల్లా, రంగారెడ్డి, హైదారాబాద్ జిల్లాల్లో వర్షం కురిసే అవకాశముందని తెలిపింది. ఉదయం నుంచి హైదరాబాద్ లో వాతావరణం చల్లగానే ఉంది. తెలంగాణలోని ఏడు జిల్లాలకు ఆరెంజ్ అలెర్ట్ జారీ చేసింది. ఇరవై రెండు జిల్లాలకు ఎల్లో అలెర్ట్ ను వాతావరణ శాఖ జారీ చేసింది.