Weather Report : మరో మూడు రోజులు హై అలెర్ట్.. చలిగాలులు వీస్తాయట

దేశమంతటా చలిగాలుల విజృంభణ కొనసాగుతుంది. మరొక మూడు రోజుల పాటు భారత వాతావరణ శాఖ హై అలెర్ట్ ప్రకటించింది. అవసరమైతే తప్ప వృద్ధులు, చిన్నారులు, దీర్ఘకాలిక రోగులు బయటకు రావద్దంటూ వార్నింగ్ కూడా ఇచ్చారు. ఇప్పటికే అనేక ప్రాంతాల్లో కనిష్ట ఉష్ణోగ్రతలు నమోదవుతున్నాయి. అత్పల్ప ఉష్ణోగ్రతలు నమోదవుతుండటంతో ప్రజలు కూడా బయటకు రాకుండా ముందస్తు చర్యలు తీసుకోవాలని వైద్యులు సూచిస్తున్నారు. కోల్డ్ వేవ్స్ అందరినీ భయపెడుతున్నాయి. అదే సమయంలో అనేక మంది అవస్థలు పడుతున్నారు. చలిగాలుల తీవ్రతకు తోడు పొగమంచు కూడా తోడవ్వడంతో ప్రజలు గజ గజ వణుకుతున్నారు. మరో మూడు రోజులు ఇదే రకమైన పరిస్థితి ఉంటుందని వాతావరణ శాఖ అధికారులు చెబుతున్నారు.