Weather Report : హిస్టరీని బ్రేక్ చేస్తున్న చలిగాలులు.. మరెన్నిరోజులంటే?

చలిగాలులు చంపేస్తున్నాయి. ఉత్తరాది నుంచి వీస్తున్న చలిగాలుల తీవ్రత కారణంగా మరింత ఎక్కువగా ఈ ఏడాది తెలుగు రాష్ట్రాల్లోనూ చలి గాలులు ఎక్కువ స్థాయిలో వీస్తున్నాయి. చలి పంజా విసురుతుండటంతో అనేక మంది ప్రజలు ఇబ్బందులు పడుతున్నారు. ఉదయం తొమ్మిది గంటల వరకూ సాయంత్రం ఐదు గంటల తర్వాత రోడ్ల మీదకు రావాలంటే వణుకుతో అల్లాడిపోతున్నారు. మరికొన్ని రోజుల పాటు చలితీవ్రత ఎక్కువగా ఉంటుందని భారత వాతావరణ శాఖ వెల్లడించింది. ఈ వచ్చేనెల మొదటి వారం వరకూ చలి తీవ్రత ఎక్కువగా ఉండే అవకాశముందని వాతావరణ శాఖ అధికారులు అంచనా వేస్తున్నారు. వృద్ధులు, చిన్నారులు, దీర్ఘకాలం వ్యాధులతో బాధపడే వారు, ఆస్మారోగులు బయటకు రాకపోవడమే మంచిదని సూచిస్తున్నారు.