Hyderabad : ప్రారంభమయిన ముఖ్యమంత్రుల సమావేశం

ఇరు రాష్ట్రాల మధ్య నెలకొన్న పలు సమస్యలపై ఈ సమావేశం చర్చించనుంది. దాదాపు పథ్నాలుగు వేల కోట్ల రూపాయలు ఇరు రాష్ట్రాలకు చెందకుండా ఉండిపోయాయి. దీనిపైనే ప్రధానంగా చర్చ జరిగే అవకాశముంది. ఎవరు ఎంత శాతం పంచుకోవాలన్న దానిపై ఈ సమావేశంలో చర్చించనున్నారు. అలాగే విభజన తర్వాత ఖమ్మం జిల్లాలో విలీనం అయిన ఏడు మండలాలను తిరిగి తమకు అప్పగించాలని తెలంగాణ కోరనున్నట్లు తెలిసింది. అదే సమయంలో భద్రాచలం పూర్వం తూర్పు గోదావరి జిల్లాలో ఉంది కనుక దానిని తమకు అప్పగించాలని ఏపీ ప్రభుత్వం కోరనుంది. ఇక కృష్ణా జలాల వాటాపై కూడా ఇరువురు ముఖ్యమంత్రులు చర్చించనున్నారు. నీటి పంపకాలపై కూడా చర్చ జరగనుంది.