Telangana : గుడ్ న్యూస్ నేటి నుంచి తెలంగాణలో మీ సేవ వాట్సప్ సేవలు

ఈ వాట్సప్ మీ సేవ సేవలను నేడు మంత్రి దుద్దిళ్ల శ్రీధర్ బాబు లాంఛనంగా ప్రారంభించనున్నారు. ప్రజలు ఈ అవకాశాన్ని సద్వినియోగం చేసుకోవాలని ప్రభుత్వం కోరుతుంది. ఇక మీదట పదేపదే మీ-సేవ సెంటర్లకు వెళ్లాల్సిన పనిలేదు. ఫోన్ ను ఉపయోగించి ఈ సేవలను పొందే అవకాశాన్ని తెలంగాణ ప్రభుత్వం కల్పించింది. క్యాస్ట్ , ఇన్ కమ్ సర్టిఫికెట్లు, స్థానికతకు సంబంధించిన సర్టిఫికెట్లను పొందడానికి ఇకపై మీ సేవా కేంద్రాలకు వెళ్లకుండా వాట్సప్ ద్వారానే పొందే వీలును తెలంగాణ ప్రభుత్వం కల్పించింది. మీ-సేవ సెంటర్లో దరఖాస్తు చేసుకున్న అనంతరం అందుకు సంబంధించిన అన్ని అప్‌డేట్స్ తమ తమ వాట్సాప్ లోనే చెక్ చేసుకునే వీలు కల్పించింది.

ఇక సర్టిఫికెట్ల కోపసం పదేపదే మీ-సేవ సెంటర్లకు వెళ్లాల్సిన అవసరం లేదు. కావాల్సిన సేవలన్నీ వాట్సాప్ ద్వారానే అందనున్నాయి. మీ-సేవ సెంటర్లో దరఖాస్తు చేసుకున్న అనంతరం అందుకు సంబంధించిన అన్ని అప్‌డేట్స్ వాట్సాప్ లోనే చెక్ చేసుకునే వీలుంటుంది. దరఖాస్తు చేసిన సర్టిఫికెట్ ఆమోదం పొందిందా? లేకపోతే రిజక్ట్ అయ్యిందా..? అదే ఒకవేళ అప్రూవ్ అయితే సర్టిఫికెట్‌ను వాట్సాప్ లోనే డౌన్ లోడ్ చేసుకునే వీలుంది. నేడు తెలంగాణ ప్రభుత్వం ఈ సేవలను లాంఛనంగా ప్రారంభించనుంది. దీనివల్ల ప్రజలు పదే పదే మీ సేవా కేంద్రాలకు వెళ్లాల్సిన అవసరం లేకుండా ప్రభుత్వం ప్రత్యేకంగా ఈ రకమైన సేవలను అందుబాటులోకి తేనుంది.